آپ يہاں ہیں
ہوم > اہم خبریں > قوم کی حمایت سے اپنی سرزمین سے دہشت گردی کا صفایا کردیں گے، سربراہ پاک فوج

قوم کی حمایت سے اپنی سرزمین سے دہشت گردی کا صفایا کردیں گے، سربراہ پاک فوج

Army chief

راولپنڈی(ویب ڈیسک): آرمی چیف جنرل قمر جاوید باجوہ کا کہنا ہے کہ لاہور خود کش حملے میں فوجی جوانوں اور سویلین عملے کی شہادت بلا شبہ بڑی قربانی ہے تاہم پوری قوم کی حمایت سے پاک سرزمین سے دہشت گردی کا صفایا کر دیں گے۔
آرمی چیف جنرل قمر جاوید باجوہ نے لاہور میں مردم شماری کی ٹیم پر خود کش حملے میں شہید ہونے والے افراد کے خاندانوں سے دلی ہمدردی اور فرائض کی ادائیگی کے دوران شہید ہونے والوں کو خراج تحسین پیش کیا-
یہ خبر بھی پڑھیں: لاہور کے علاقے بیدیاں روڈ پر خود کش دھماکے سے کم از کم 6 افراد جاں بحق
انہوں نے کہا ہے کہ شہید ہونے والے فوجی جوان اور سول شمار کنندگان مردم شماری میں مصروف تھے، فوجی جوانوں اور سویلین عملے کی شہادت بلا شبہ بڑی قربانی ہے، مردم شماری کا انعقاد قومی ذمہ داری ہے جس کو ہر قیمت میں مکمل کیا جائے گا۔
آرمی چیف کا کہنا تھا کہ جوانوں کی قربانیاں دہشت گردی کے خلاف ہمارے عزم کومضبوط کریں گی اور پوری قوم کی حمایت سے اپنی سرزمین سے دہشت گردی کا صفایا کر دیں گے۔

3 thoughts on “قوم کی حمایت سے اپنی سرزمین سے دہشت گردی کا صفایا کردیں گے، سربراہ پاک فوج

جواب دیں

Top